آپریشن بُنْیَانُ مَّرْصُوْص، بھارتی جارحیت کے خلاف پاکستان کی جوابی کارروائی

بھارتی جارحیت کے جواب میں پاک سرزمین کے جانبازوں نے تاریخ ساز جوابی کارروائی کا آغاز کر دیا۔ فجر کی مقدس ساعتوں میں جب اہلِ ایمان سجدے میں جھکے تھے، پاکستان کی مسلح افواج نے دشمن کو اُس کی جارحیت کا منہ توڑ جواب دینے کے لیے ” آپریشن بنیان مرصوص کا آغاز کردیا۔ ایک ایسا آپریشن جو دشمن کے غرور کو خاک میں ملا رہا ہے۔  فولادی عزم سے لبریز اس کارروائی میں پاک فضائیہ کے شاہینوں نے وہ کارنامے سرانجام دیے جن پر قوم صدیوں فخر کرے گی۔ فتح ون جیسے جدید ترین میزائلوں کے ذریعے بھارت کے اہم فوجی مراکز، بشمول ادھم پور، پٹھان کوٹ، آدم پور، اور سورتھ گڑھ جیسے ایئربیسز، دشمن کے غرور سمیت راکھ کا ڈھیر بنا دیے گئے۔

𝐎𝐩𝐞𝐫𝐚𝐭𝐢𝐨𝐧 𝐁𝐮𝐧𝐲𝐚𝐧 𝐮𝐥 𝐌𝐚𝐫𝐬𝐨𝐨𝐬 🔥 pic.twitter.com/J36hYcnGZG

— Defense Intelligence (@DI313_) May 10, 2025

بیاس میں واقع براہموس میزائلوں کی حساس اسٹوریج سائٹ کو تباہ کر کے پاکستان نے دشمن کے دفاعی نظام میں ایسا شگاف ڈالا جس کی بھرپائی ممکن نہیں۔  بھارت کا اربوں ڈالر مالیت کا ایس-400 ایئر ڈیفنس سسٹم پاکستانی جے ایف 17 تھنڈر کے ہائپرسونک میزائلوں کی زد میں آ کر فنا ہو گیا، جبکہ دشمن کی کئی اہم ویب سائٹس، بشمول بی جے پی کی آفیشل سائٹ، ہیک کر کے بھارت کے سائبر نیٹ ورک کو بھی مفلوج کر دیا گیا۔  راجوڑی اور نوشہرہ میں بھارتی ملٹری انٹیلیجنس کے ان تربیتی مراکز کو مکمل طور پر تباہ کر دیا گیا، جہاں پاکستان میں دہشت گردی کی سازشیں رچی جاتی تھیں۔ لائن آف کنٹرول پر دشمن کی کئی اہم چوکیاں، جیسے ربتانوالی، ڈنہ پوسٹ، اور رنگ کنٹوئر، مٹی میں ملا دی گئیں۔

آپریشن بُنْيَانٌ مَّرْصُوْص (آہنی دیوار)اپڈیٹ

پاکستانی فتح 1 میزائل سسٹم دشمن پر قہر ڈھاتے ہوئے

پاکستانی فتح 1میزائل سسٹم کے ذریعے متعددبھارتی اہداف کو نشانہ بنایاگیا

پاکستانی فتح 1 میزائل سسٹم سے بھارتی اہداف کو نشانہ بنانے کی ایک اور ویڈیو منظر عام پر

حملے سے دشمن کے… pic.twitter.com/IRt9wBcEfw

— PTV News (@PTVNewsOfficial) May 10, 2025

  دہلی سے سرسہ تک، دشمن کو یہ پیغام پہنچا دیا گیا کہ پاکستان اپنی خودمختاری پر آنچ بھی برداشت نہیں کرے گا۔ سیکیورٹی ذرائع کے مطابق پاک فوج نے بھارت کی عسکری سیٹلائٹس کو بھی جام کر کے اس کی فضائی و زمینی صلاحیتوں کو اندھا کر دیا۔

BREAKING: Pakistan strikes Uri supply depot with missile. Visual evidence confirms impact.#Pakistan #India pic.twitter.com/zJBIxMqAaB

— Defense Intelligence (@DI313_) May 10, 2025

ڈی جی آئی ایس پی آر، لیفٹیننٹ جنرل احمد شریف چوہدری کے مطابق، بھارتی جانب سے پاکستان پر داغے گئے میزائلوں کو کامیابی سے ناکام بنایا گیا، اور پاک فضائیہ کے تمام اثاثے محفوظ ہیں۔ پاکستان کے پاس تمام حملوں کے ناقابل تردید شواہد موجود ہیں، جو عالمی برادری کو دکھانے کے لیے کافی ہیں۔یہ آپریشن دشمن کے لیے ایک واضح پیغام ہے کہ پاکستان امن کا خواہاں ضرور ہے، مگر اگر اس کی خودمختاری پر آنچ آئی، تو قوم کا ہر سپاہی فولاد بن کر دشمن کے سامنے سیسہ پلائی دیوار بن جائے گا۔