قونصل جنرل آفتاب احمد چوہدری کی پاکستانی نژاد امریکی تاجروں سے ملاقات

قونصل جنرل پاکستان ہیوسٹن، آفتاب احمد چوہدری  نے سان انتونیو، ٹیکساس میں پاکستانی نژاد امریکی کاروباری برادری کے ممتاز افراد سے ملاقات کی۔  ملاقات کے دوران قونصل جنرل نے پاکستان میں موجود تجارتی و سرمایہ کاری کے مواقع اور بہتر ہوتی ہوئی معاشی صورتحال پر روشنی ڈالی۔ انہوں نے شرکاء کو موجودہ سازگار معاشی ماحول سے فائدہ اٹھاتے ہوئے کاروباری اشتراک اور سرمایہ کاری کے امکانات کو دریافت کرنے کی ترغیب دی۔ یہ ملاقات دو طرفہ تجارتی تعلقات کے فروغ اور امریکی پاکستانی کمیونٹی کے کردار کو مضبوط بنانے کے لیے ایک مؤثر پلیٹ فارم ثابت ہوئی۔ تاجروں نے قونصل خانے کی جانب سے کی جانے والی کاوشوں کو سراہا اور پاکستان کی اقتصادی ترقی میں مثبت کردار ادا کرنے کے عزم کا اظہار کیا۔ یہ ملاقات قونصل خانہ جنرل ہیوسٹن کی جانب سے پاکستانی نژاد کمیونٹی کے ساتھ روابط کو مضبوط بنانے اور امریکہ میں پاکستان کے معاشی و تجارتی مفادات کو فروغ دینے کی مسلسل کوششوں کا حصہ ہے۔