پاکستان کی دلکش اداکارہ ماورا حسین نے حال ہی میں اپنے قریبی دوست اور اداکار امیر گیلانی کے ساتھ شادی کے بندھن میں بندھ کر سب کو سرپرائز کر دیا، اور اب وہ باقاعدہ اپنے شوہر کے گھر منتقل ہو چکی ہیں۔ ماورا نے نہ صرف نیا گھر اپنایا بلکہ اپنے جذباتی سفر کی ایک خوبصورت جھلک بھی سوشل میڈیا پر شیئر کی، جو دیکھتے ہی دیکھتے دلوں کو چھو گئی۔لاہور اور اسلام آباد میں ہونے والی سادہ، مگر محبت سے بھرپور شادی کی تقریبات کے بعد،
ماورا نے اپنے نئے گھر کی حسین تصویریں شیئر کیں۔ تصاویر کے ساتھ لکھے گئے پیغام میں انہوں نے بتایا کہ کس طرح پرانے گھر کو چھوڑنا ایک میٹھا لیکن تھوڑا سا نم لمحہ تھا۔ ان کا کہنا تھا :
"جب بھی میں نے نیا گھر خریدا، میری ماں نے کہا ‘خدا اس میں رہنا نصیب کرے’ — اور آج مجھے اس دعا کی گہرائی واقعی سمجھ آئی۔”
ماورا نے مزید لکھا کہ وہ اپنے شوہر کے گھر میں بہت خوش ہیں، اور سسرال والوں نے ان کا اس قدر پیار سے استقبال کیا کہ منتقلی بالکل آسان ہو گئی۔ البتہ، انہوں نے یہ بھی مانا کہ دل کو نئی جگہ اپنانے میں وقت لگتا ہےاور وہ اب آہستہ آہستہ نئے گھر کو اپنا کہنے لگی ہیں۔انہوں نے شوخ انداز میں لکھا:
"میں اپنی کچھ عزیز ترین چیزیں ساتھ لے آئی ہوں… اور یوں اپنے شوہر کے پورے گھر کو تھوڑا تھوڑا ہائی جیک کر رہی ہوں۔!”
View this post on Instagram
مداحوں نے ماورا کے اس محبت بھرے سفر پر نیک تمناؤں اور دعاؤں کے ڈھیر لگا دیے ہیں۔
Discussion about this post