حارث رؤف اور عثمان خان ، نیوزی لینڈکے خلاف ون ڈے اسکواڈ میں شامل

پاکستان ٹیم منیجمنٹ نے فاسٹ بالر حارث رؤف اور عثمان خان کو نیوزی لینڈ میں ہی رکنے کی ہدایت کرتے ہوئے قومی ون ڈے اسکواڈ میں شامل کر لیا۔ دونوں کھلاڑی صرف ٹی 20 سیریز کے لیے تھے۔ ون ڈے اسکواڈ میں شامل باقی 5 کھلاڑیوں نے نیپئر میں ٹیم میں شمولیت اختیار کرلی ہے۔جبکہ ٹی ٹوئنٹی ٹیم کے 8 کھلاڑی وطن واپسی کے لیے روانہ ہوں گے۔ سلمان علی آغا، حارث رؤف، خوشدل شاہ، عرفان خان نیازی، ابرار احمد، سفیان مقیم، محمد علی اور عثمان خان نے نیپئر میں ون ڈے سکواڈ کو جوائن کرلیا جبکہ کپتان محمد رضوان، بابر اعظم سمیت 9 کھلاڑی پہلے ہی نیپئر میں ہیں۔ پاکستان اور نیوزی لینڈ کے درمیان 3 میچز پر مشتمل ون ڈے سیریز 29 مارچ کو شروع ہو گی۔