وزیراعظم کے دفتر سے جاری بیان کے مطابق شہباز شریف کا سرکاری دورہ 19 سے 22 مارچ تک ہوگا۔ وزیراعظم کے دورے کا مقصد دو طرفہ تعلقات کو مضبوط بنانا، معاشی تعاون کو بڑھانا اور دونوں ممالک کے درمیان سرمایہ کاری کو فروغ دینا ہے۔ وزیراعظم کے وفد میں نائب وزیراعظم و وزیر خارجہ سینیٹر اسحاق ڈار سمیت اہم وفاقی وزرا اور اعلٰی حکام شامل ہیں۔ اس دورے کے دوران وزیراعظم، سعودی ولی عہد اور وزیراعظم محمد بن سلمان سے ملاقات کریں گے۔ جس میں دونوں رہنما تجارت کو فروغ دینے، اہم شعبوں میں شراکت داری کو بڑھانے اور وسیع تر اقتصادی تعاون کو آسان بنانے کے طریقوں پر تبادلہ خیال کریں گے۔۔ بیان کے مطابق باہمی دلچسپی اور تشویش کے امور بشمول عالمی اور علاقائی پیش رفت بالخصوص غزہ کی صورت حال، مشرق وسطیٰ میں ہوتی تبدیلیوں کے ساتھ ساتھ امت مسلمہ سے متعلق مسائل ایجنڈے میں شامل ہیں۔
Discussion about this post