کراچی کے7 اضلاع کے ایڈیشنل ، ڈپٹی کمشنرز اور اسٹنٹ کمشنرز کی کارکردگی کا جائزہ لینے اور ان کی استعداد کار میں اضافے کے لیے گلوبل نیبرہوڈ فار میڈیا انوویشن کا پروگرام ہوا۔ جی این ایم آئی نے یہ پروگرام کمشنر کراچی ڈویژن کے تعاون سے کیا۔ جس میں منجمینٹ اسٹرکچر کو مضبوط بنانے، بحرانی صورتحال میں بہتر اقدام اور اداروں کی کارکردگی میں اضافہ کرنے کے پہلوؤں کو نمایاں کیا۔
کمشنر کراچی سید حسن نقوی کی صدارت میں ہونے والے اس پروگرام میں شہرقائد کے تمام ضلعوں کے ایڈیشنل ، ڈپٹی کمشنرز اور اسٹنٹ کمشنر نے شرکت کی۔ اس موقع پر ایڈیشنل کمشنر کراچی سید مہدی شاہ کا کہنا تھا کہ کراچی جیسے میٹروپولیس میں گورننس کے پیچیدہ چیلنجز سے نمٹنے کے لیے سرکاری اہلکاروں کو جدید ٹولز سے لیس کرنا ناگزیر ہے۔ جی این ایم آئی کی صدر ناجیہ اشعر نے پبلک اینڈ پرائیوٹ سیکٹر کے افسران کی استعداد بڑھانے پر زور دیا۔
ناجیہ اشعر نے جی این ایم آئی کے ماضی کے منصوبوں، جیسے سندھ، پنجاب اور آزاد کشمیر میں کریمنلز جسٹس کے شعبے میں استعداد کار بڑھانے کے پروگرامز کا حوالہ دیا۔ عافیہ سلام جنہوں نے اس پروگرام کی نظامت بھی کی انہوں نے بحرانی صورتحال میں اعلیٰ سرکاری افسران کو درپیش اہم چیلنجز کو نمایاں کیا۔ ان کی پریزنٹیشن میں "بحران کی تفہیم” کے تصور کی وضاحت کی گئی جس میں بتایا گیا کہ ایک ادارے کا بحران، دوسرے کے لیے موقع بن سکتا ہے۔
اس موقع پر ڈپٹی کمشنرز اور اسسٹنٹ کمشنرز نے اپنے تجربات شیئر کیے اور اور میڈیا حکمت عملی کو کراسسز منجمنٹ کے ساتھ ہم آہنگ کرنے پر زور دیا۔ اس موقع پر سینئر صحافی فیصل عزیز خان کے مطابق بحران انتظام کاری صرف بحرانی صورتحال میں سنبھالنے کا نام نہیں، بلکہ عوام کے ساتھ اعتماد اور شفافیت قائم کرنے کا عمل ہے۔ جی این ایم آئی کے جنرل سیکرٹری اور سئینرصحافی سید مسعود رضا کا کہنا تھا کہ سرکاری ملازم اور میڈیا کے درمیان تعاون سے گورننس کو تقویت ملے گی ۔ عوامی خدمات کی کاردگی میں بھی اضافہ ہوگا۔
اختتامی خطاب میں کمشنر کراچی سید حسن نقوی نے جی این ایم آئی کی کوششوں کو سراہا۔ انہوں نے سرکاری افسران کی استعداد کار بڑھانے کے لیے اسی نوعیت کے پروگرامز کی ضرورت پر زور دیا۔ اجلاس میں اس بات پر اتفاق کیا گیا کہ میڈیا ، سرکاری افسران کے درمیان تعاون، گورننس اور عوامی خدمات کی فراہمی میں بہتری کا باعث بن سکتا ہے۔
Discussion about this post