امریکی مشرقی ریاستوں کو طاقت ور سرمائی طوفان کا سامنا

امریکی  مشرقی ریاستوں کو طاقت ور موسم سرما کے طوفان کا سامنا ہے۔ لگ بھگ نصف ریاستوں میں شدید برف باری کے حوالے سے خبردار کردیا ہے۔ مغربی کنساس سے میری لینڈ، ڈیلاویئر اور ورجینیا تک 25 ریاستوں میں شدید برفباری سے 6 کروڑ افراد متاثر ہوں گے۔

کچھ علاقوں میں 40 میل فی گھنٹہ یخ بستہ ہوائیں چلنے اور 10 برسوں  میں سب سے زیادہ 15 انچ سے زائد برف پڑنے کی پیش گوئی سامنے آئی ہے۔ ریاست کنساس کی ہائی وے پر ایک روز میں 50 ٹریفک حادثات ہوئے ہیں، جن میں 20 افراد زخمی ہوچکے جبکہ حکام نے عوام کو غیر ضروری سفر نہ کرنے کی ہدایت کی ہے۔