میلبورن کرکٹ میدان میں تماشائی کی آمد کا 87 سال پرانا ریکارڈ ٹوٹ گیا

بھارت اور آسٹریلیا کے درمیان جاری چوتھے ٹیسٹ میچ میں حاضری کا ایک نیا ریکارڈ بن گیا جس کے دوران 5 دن میں  میلبورن کرکٹ گراؤنڈ یعنی ایم سی جی  میں 3 لاکھ 50 ہزار 700 سے زیادہ تماشائی میدان میں آئے۔اس سے قبل 1937 میں  3 لاکھ 50 ہزار 534 کرکٹ شائقین نے میدان کا رخ کیا تھا۔ میچ کے 5ویں دن پہلے سیشن کو دیکھنے کے لیے 51 ہزار 371 میدان میں آئے جب کہ مزید شائقین کی آمد متوقع ہے۔

اس ٹیسٹ میچ کے لیے شائقین کی آمد بالکل غیر معمولی رہی ہے جس کی روزانہ کی تعداد بالترتیب87 ہزار، 85 ہزار، 83 ہزار، 43 ہزار اور 51 ہزار  سے زیادہ رہی۔ ایم سی جی میں تماشائی  کی ریکارڈ تعداد 2022 کے ٹی 20 ورلڈ کپ میں بھارت اور پاکستان کا میچ دیکھنے آئی تھی، اس میچ کو 90 ہزار 293 شائقین نے دیکھا تھا ۔