ٹیلر سوئفٹ اور ٹریوس کیلسی کی منگنی کب ہوگی ؟

غیر ملکی میڈیا کی رپورٹس میں دعویٰ کیا گیا تھا کہ دونوں شخصیات منگنی کرنے کے حوالے سے جلدی نہیں کر رہیں۔ ٹیلر سوئفٹ ٹریوس کیلسی کے ساتھ ہی کرسمس گزارنے کا منصوبہ بنا رہی ہیں اور امکان ہے کہ آنے والے دنوں میں ٹیلر سوئفٹ اپنے اور ٹریوس کیلسی کے اہلِ خانہ کے لیے دعوت کا اہتمام بھی کریں گی۔ اب معلوم ہوا ہے کہ ٹریوس کیلسی کو اپنے خاندان کی طرف سے ٹیلر سوئفٹ کو منگنی یا شادی کی باقاعدہ پیشکش کرنے کے لیے دباؤ کا سامنا ہے کیونکہ مشہور شخصیات ہونے کی وجہ سے اس جوڑے کی  منگنی کی افواہیں گردش کرتی رہتی ہیں۔منگنی کی قیاس آرائیوں کی خبریں اور کہانیاں ٹریوس کیلسی کی نظروں سے بھی گزری ہیں۔ اب میڈیا رپورٹ کے مطابق ٹیلر سوئفٹ اور ٹریوس کیلسی کو اپنے تعلقات اور رشتے کے حوالے سے اگلا قدم اٹھانے کی کوئی جلدی نہیں ہے۔  ٹیلر سوئفٹ اور ٹریوس کو یہ باتیں انتہائی مزاحیہ لگتی ہیں کہ جب سے ان کی ملاقات ہوئی ہے تب سے وہ ہر روز منگنی کر رہے ہیں۔