پیٹرول کی اسمگلنگ روکی جائے، وزیراعظم کی ہدایت

وزیراعظم شہباز شریف کی صدارت میں  ملکی معاشی صورتحال اور  فیڈرل بورڈ آف ریونیو کی ڈیجیٹائز یشن کے حوالے سے جائزہ اجلاس ہوا۔ اس موقع پر وزیراعظم کا کہنا تھا کہ اسمگل شدہ ایندھن  کے خلاف سخت کریک ڈاؤن اور پیٹرول اور ڈیزل کی قیمتوں میں نمایاں کمی کی وجہ سے، پاکستان کی پیٹرولیم کی فروخت نومبر 2024 میں 25 ماہ کی بلند ترین سطح پر پہنچ گئی، جو 1.58 ملین ٹن تک رہی کو کہ انتہائی خوش آئند ہے۔ شہباز شریف نے  پیٹرول کی اسمگلنگ کے خلاف مزید سخت کارروائی کی ہدایت کی۔ اُن کا مزید کہنا تھا کہ  پاکستان میں پیٹرولیم مصنوعات کی فروخت میں  سال بہ سال 15 فیصد اضافہ ہوا ، جو توانائی کی مارکیٹ میں بحالی کی نشاندہی کرتا ہے۔