وزیراعظم نے 26ویں آئینی ترمیم کی توثیق کیلیے ایڈوائس صدر کو بھجوا دی

وزیرِ اعظم محمد شہباز شریف نے 26 ویں آئینی ترمیم کی پارلیمنٹ سے منظوری کے بعد توثیق کے لیے صدر پاکستان آصف علی زرداری کو ایڈوائس بھجوا دی۔ پارلیمان سے ترمیم منظور ہونے کے بعد شہباز شریف نے آئینی ترمیم کی توثیق کے لیے صدر پاکستان کو بھیجی جانے والی ایڈوائس پر دستخط کیے۔ صدر مملکت آصف علی زرداری کے دستخط کے بعد 26 ویں آئینی ترمیم باضابطہ آئین کا حصہ بن جائے گی۔ معلوم ہوا ہے کہ ایوان صدر میں بل پر دستخط کے لیے آج خصوصی تقریب ہوگی جس میں وزیر اعظم شہباز شریف اور دیگر جماعتوں کے اہم  پارلیمانی لیڈر شریک ہوں گے۔ 26 ویں  آئینی ترمیم سینیٹ سے 65 اراکین اور قومی اسمبلی سے 225 اکران  کی حمایت کے ساتھ دو تہائی اکثریت سے منظور ہوچکی ہے۔