گرفتاری پر پشاور ہائی کورٹ سے رجوع

علی امین گنڈا پور کی طرف  سے عالم خان ادیزئی نے درخواست جمع کرائی ہے، درخواست سماعت کے لیے مقرر ہوتے ہی وزیر اعلی ہائی کورٹ پہنچیں گے۔ یاد رہے کہ بدھ کو ڈسٹرکٹ اینڈ سیشن کورٹس اسلام آباد نے غیر قانونی اسلحہ شراب برآمدگی کیس میں وزیر اعلیٰ خیبرپختونخوا علی امین گنڈاپور کے ناقابل ضمانت وارنٹ گرفتاری جاری کردیے تھے۔  عدالت نے طبی بنیادوں پر حاضری معافی کی درخواست رد کرتے ہوئے علی امین گنڈاپور کے یہ  ناقابل ضمانت وارنٹ گرفتاری جاری کیے تھے۔  ایس ایچ او تھانہ بھارہ کہو کو کل علی امین گنڈاپور کو گرفتار کر کے پیش کرنے کا حکم دیا تھا۔ یاد رہے کہ  اکتوبر 2016 میں، اسلام آباد پولیس نے دعویٰ کیا تھا کہ انہوں نے بنی گالہ کے باہر تحریک انصاف کے رہنما کی گاڑی سے 5 کلاشنکوف اسالٹ رائفلز، ایک پستول، 6 میگزین، ایک بلٹ پروف جیکٹ، شراب اور آنسو گیس کے تین گولے برآمد کیے۔