امریکی کانگریس میں پاکستانی کاکس کی سربراہ شیلا جیکسن کی آخری رسومات ریاست ٹیکساس میں ادا کردی گئیں۔ اس موقع پر امریکا کے سابق صدر بل کلنٹن اور ان کی اہلیہ ہلیری کلنٹن سمیت اہم شخصیات نے شرکت کی۔ ہیوسٹن میں شیلا جیکسن کی آخری رسومات میں پاکستانی کمیونٹی کی اہم شخصیات شامل رہیں۔ اس موقع پر پاکستانی قونصل جنرل آفتاب چوہدری کا کہنا تھا کہ شیلاجیکسن نے مشکل وقت میں پاکستان کی مدد کی۔ شیلا جیکسن لی 2005 میں پاکستان میں زلزلہ متاثرین کے ساتھ کھڑی تھیں، شیلا جیکسن پاکستان کی مخلص اور سچی دوست تھیں۔ یاد رہے کہ گزشتہ ہفتے شیلا جیکسن کینسر کے مرض کے باعث زندگی کی بازی ہار گئی تھیں۔
Discussion about this post