چیف ایگزیکٹو کرکٹ آسٹریلیا نک ہوکلے کا کہنا ہے کہ پاکستان اور بھارت روایتی حریف ٹیمیں ہیں، ان کے مقابلوں کے لیے بہت جوش دیکھنے کو ملتا ہے۔ ٹی 20 ورلڈ کپ کے دوران نسا اسٹیڈیم ہاؤس فل منظر پیش کررہا تھا۔ ان کا مزید کہنا تھا کہ پاکستان اور بھارت کی باہمی سیریز اور سہ فریقی سیریز کے لیے معاونت کرنے کے لیے تیار ہیں، پہلے ان دنوں بورڈز کو آپس میں فیصلہ کرنا ہے، ہم میزبانی میں معاونت کریں گے۔ چیف ایگزیکٹو کرکٹ آسٹریلیا کے مطابق پاک بھارت باہمی سیریز کی بحالی میں کردار ادا کر کے خوشی ہو گی۔ رواں سال سمر سیزن میں پاکستان اور بھارت کے ٹورز کے منتظر ہیں، دونوں ممالک کے پرستار بھی سیریز کے دوران بہت پُرجوش ہوتے ہیں، بھارت کی سیریز کے لیے ٹکٹوں کی فروخت ماضی کے مقابلے میں 6 گنا زیادہ ہے۔
Discussion about this post