بانی پی ٹی آئی کا ایف آئی اے ٹیم سے ملنے سے انکار

بانی پی ٹی آئی کے سوشل میڈیا اکاؤنٹ سے ٹوئٹ کے معاملہ پر تفتیش کے لیے فیڈرل انویسٹی گیشن ایجنسی کی سائبر کرائم ٹیم  جمعرات کی شب اڈیالہ جیل پہنچی۔ لیکن اس موقع پر ایف آئی اے ٹیم سے بانی پی ٹی آئی نے ملاقات سے انکار کردیا۔ بانی پی ٹی آئی کا موقف تھا کہ وہ شامل تفیتش نہین ہوں گے اور ٹیم کے کسی بھی سوال کا جواب نہیں دیں گے۔ بانی پی ٹی آئی کا کہنا تھا کہ کسی بھی سوال کا جواب وکلا کی موجودگی میں دیں گے۔ ایف آئی اے ٹیم نے بانی پی ٹی آئی کا موقف تحریری طور پر حاصل کرلیا۔ یاد رہے کہ ایف آئی اے کے سائبر کرائم ونگ نے بانی پی ٹی آئی کے خلاف انکوائری کا فیصلہ کیا ہے۔