تحریک انصاف کے رکن قومی اسمبلی شیرافضل مروت کو ان کی اپنی کی طرف سے شو کاز نوٹس مل گیا ہے۔ یہ شوکاز نوٹس بانی پی ٹی آئی کی ہدایت پر جاری کیا گیا ہے جس میں شیر افضل مروت سے کہا گیا ہے کہ وہ 3 دن کے اندر اس کا جواب جمع کرائیں۔ شوکاز کے مطابق شیر افضل مروت کے غیرذمہ دارانہ بیانات سے پارٹی کے مفادات کو نقصان پہنچا، بانی پی ٹی آئی کی ہدایات کے باوجود بیانات دیے۔ بیان سے پارٹی ممبران اور اسٹیک ہولڈرز کے درمیان تعلقات خراب ہوئے، 3 روز کے اندر اندر جواب دیں ورنہ کارروائی کی جائے گی۔اگر جواب اطمینان بخش نہ ہوا تو پارٹی ایکشن لے گی۔ یاد رہے کہ جمعے کو پی ٹی آئی کی کور کمیٹی کے اجلاس میں کورکمیٹی اور سیاسی کمیٹی سمیت پارٹی کی تمام کمیٹیوں سے شیرافضل مروت کا اخراج کردیا گیا تھا۔
Discussion about this post