امبانی نے برطانیہ کا مشہور اسٹوک پارک خرید لیا

بھارتی میڈیا کے مطابق مکیش امبانی کی کمپنی ریلائنس انڈسٹریز لمیٹڈ نے اسٹوک پارک لمیٹڈ کو 79 ملین ڈالرز میں خریدا ہے۔عالی شان  بیڈ رومز اور سوئٹس، گولف کورس، 13 ٹینس کورٹ اور 14 ایکڑ باغات پر پھیلا یہ مقام دولت مند سیاحوں میں خاصی کشش رکھتا ہے۔

مکیش امبانی نے اسٹوک پارک کو خریدنے کا معاہدہ برطانوی یونٹ کے ساتھ کیا ہے  جو بکنگھم شائر میں ایک ہوٹل، کھیلوں اور کئی تفریحی سہولیات کا مالک ہے، ریلائنس کے اثاثوں میں مزید اضافہ ہوجائے گا۔ اسٹوک پارک کی 900 سال سے زیادہ پرانی تاریخ ہے۔  اس مقام کو جیمز بانڈ کی2  فلموں، نیٹ فلکس سیریز ’بریجٹ جونسز ڈائری‘ اور ’دی کراؤن‘ کی شوٹنگ کے لیے بھی استعمال کیا جا چُکا ہے۔