تربت میں دہشت گردوں کا حملہ ناکام، 4 دہشت گرد ہلاک

بلوچستان کے ضلع کیچ کی تحصیل تربت میں دہشتگردوں کی طرف سے ہوائی اڈے میں داخل ہوکر دہشتگردی کی کوشش ناکام بنا دی گئی۔ سیکیورٹی فورسز نے چاروں دہشتگردوں کو موقع پر ہی مار گرایا۔  ڈی ایس پی تربت چاکر حیات کے مطابق سیکیورٹی فورسز نے حملہ آوروں کو ہوائی اڈے  میں داخل ہونے سے روکنے کے لیے فائرنگ کی جس کے نتیجے میں 4 مشتبہ دہشتگرد ہلاک ہو گئے جبکہ اس دوران کوئی اور جانی یا مالی نقصان نہیں ہوا۔  سیکیورٹی فورسز کی جانب سے ایئرپورٹ میں کلیئرنس آپریشن کا سلسلہ جاری ہے۔