این اے 15 سے نواز شریف کو شکست

گزشتہ روز الیکشن کمیشن نے نون لیگ  کے قائد نواز شریف کی این اے 15 سے متعلق درخواست خارج کر دی تھی۔ محفوظ کیا گیا فیصلہ سناتے ہوئے درخواست گزار کو الیکشن ٹربیونل سے رجوع کرنے کی ہدایت کی تھی۔ جبکہ الیکشن کمیشن نے ریٹرننگ افسر کو 3 دن میں حتمی نتیجہ مرتب کرنے کا حکم دیا تھا۔ 2  روزپہلے  مسلم لیگ ن کے قائد نواز شریف کی این اے 15 سے متعلق درخواست پر الیکشن کمیشن نے فیصلہ محفوظ کیا تھا۔ جسے اب سنا دیا گیا۔ ریٹرننگ افسر نے  قومی اسمبلی کے حلقے این اے 15 کا فارم 49 جاری کر دیا۔ اس فارم کے مطابق تحریک انصاف کے حمایت یافتہ شہزادہ گشتاسپ خان کو کامیاب قرار دیا گیا ہے جنہوں نے 105259 ووٹ حاصل کیے جبکہ نواز شریف 80413 ووٹ لے کر دوسرے نمبر پر رہے۔