کراچی : میچز کے دوران کوئی سڑک بند نہیں ہوگی

پاکستان سپر لیگ کے کراچی میں میچز کا آغاز ہونے جارہا ہے۔ٹریفک پولیس کے مطابق شیڈول میچز کے دوران شہر کی کوئی سڑک بند نہیں کی جارہی۔ البتہ ہیوی ٹریفک کو میچ کے روٹس والے راستوں سے نہیں گزرنے دیا جائے گا۔ یاد رہے کہ  پی ایس ایل 9 کے پلے آف اور فائنل سمیت 11 میچز کی میزبانی کراچی کے نیشنل اسٹیڈیم کو دی گئی، ایونٹ کے دوسرے مرحلے کے میچز کا آغاز 28 فروری سے 18 مارچ تک کراچی میں ہے۔ کراچی ٹریفک پولیس نے تماشائیوں کے لیے پارکنگ کے لیے خصوصی ٹریفک پلان مرتب کیا ہے۔ وہ تماشائی جو کارساز،ملینیم اور نیو ٹاؤن سے آرہے ہین۔ وہ اپنی گاڑیاں پی ایس بی کوچنگ سینٹر یا چائنا گراؤنڈ میں پارک کرسکیں گے۔ میچ  کے دوران سہراب گوٹھ سے جانب نیپا، لیاقت آباد نمبر 10 سے حسن اسکوائر، پیپلز چورنگی سے یونیورسٹی روڈ، کارساز سے اسٹیڈیم، ملینیم تا نیوٹاؤن، اسٹیڈیم سگنل تا حسن اسکوائر ہر قسم کی ہیوی ٹریفک کا داخلہ ممنوع ہوگا۔