بھارتی شہر دہلی میں 69 ویں نیشنل فلم ایوارڈز کی رنگا رنگ تقریب سجی۔ ہدایتکار سنجے لیلا بھانسلی کی فلم ” گنگو بائی کاٹھیا واڑی” میں جاندار اداکاری دکھانے پر عالیہ بھٹ کے حصے میں بہترین اداکارہ کا ایوارڈ آیا جبکہ ان کے ساتھ کریتی سینن کو بھی فلم ” میمی ” میں غیر معمولی اداکاری دکھانے پر نیشنل ایوارڈ کا حقدارٹھہرایا گیا۔
اسی طرح شریا گوشل کو بہترین خاتون پلے بیک سنگر کا ایوارڈ دیا گیا۔ ” آر آر آر ” کے لیے کالا بھیریا کو بہترین میل پلے بیک سنگر کا اعزاز دیا گیا۔ الو ارجن کو ’’پشپا : دی رائز‘ کی پرفارمنس پر بہترین اداکار کے ایوارڈ سے نوازا گیا۔
” آر آر آر کو بہترین مقبول فلم کا ایوارڈ ملا۔ پنکج ترپاٹھی کو ’میمی‘ کے اندر بہترین معاون اداکار کا ایوارڈ ملا تھا۔ ماضی کی مشہور اداکارہ وحیدہ رحمان کو دادا صاحب پھالکے ایوارڈ سے نوازا گیا۔
Discussion about this post