عالمی کرکٹ کپ کی افتتاحی تقریب نہیں ہوگی، بھارتی میڈیا

بھارتی میڈیا کا کہنا ہے کہ عالمی کرکٹ کپ 2023 کی شروعات کسی افتتاحی تقریب کے بغیر 5 اکتوبر کو ہونےجارہا ہے۔ نریندر مودی کرکٹ اسٹیڈیم احمد آباد میں عالمی کرکٹ کپ  2023  کے حوالے سے 4 اکتوبر کے روز ہونے والی پہلے سے طے شدہ رنگا رنگ افتتاحی تقریب اچانک منسوخ کر دی گئی ہے۔ افتتاحی تقریب کی منسوخی یا پھر تاریخ میں تبدیلی کے حوالے سے باضابطہ طور پر کوئی اعلان سامنے نہیں آ سکا۔ کہ تقریب میں آتش بازی کے ساتھ بالی ووڈ کے معروف اداکار و گلوکار جن میں رنویر سنگھ، ارجیت سنگھ، تمنا بھاٹیا، شریا گوشل اور آشا بھونسلے  نے پرفارم کرنا تھا۔ بھارتی میڈیا کا کہنا ہے کہ عالمی کپ کی افتتاحی تقریب کچھ تکنیکی خرابی کے باعث منسوخ کی گئی ہے۔ ایک روزہ کرکٹ کپ کا آغاز جمعرات سے ہورہا ہے جس میں پہلا میچ انگلینڈ اور نیوزی لینڈ کے درمیان ہوگا۔