نیکیاں فروخت کرنے والا گرفتار

پنجاب کے شہر گجرات میں یہ دلچسپ اور انوکھا واقعہ پیش آیا جہاں ذوالفقار علی نامی شخص کو حراست میں لیا گیا جس پر الزام ہے کہ وہ نیکیاں فروخت کررہا تھا۔ ملزم کا دعویٰ تھا کہ اگر کوئی اسے 10 روپے دے گا تو وہ اسے ایک لاکھ نیکیاں فروخت کردے گا ۔ اسی طرح 100 روپے کے بدلے ایک کروڑ، ایک ہزار کے عوض ارب نیکیاں اور 10 ہزار کے بدلے میں ایک کھرب نیکیوں کی فروخت کی پیش کش کی جارہی تھی۔ سادہ لوح باسی اس دھوکے باز کے فریب میں آرہے تھے۔ پولیس نے ملزم کے قبضے سے رسید بک اور 550 روپے بھی برآمد کیے ہیں جبکہ بھیک مانگنے کی دفعات بھی اس کے مقدمے میں شامل کرلی گئی ہیں۔