سانحہ 9 مئی : چیئرمین پی ٹی آئی قصور وار قرار

لاہور کی انسداد دہشت گردی کی عدالت میں سانحہ 9 مئی سے متعلق چالان جمع کرادیا گیا جس میں چیئرمین پی ٹی آئی کو قصور وار قرار دیا گیا ہے۔ پراسیکوشن کی طرف سے 11 مقدمات کے چالان جمع کرائے گئے جن میں چیئرمین پی ٹی آئی ، عمر سرفراز چیمہ اور  میاں محمود الرشید  قصوروار قرار دیے گئے ہیں۔  چالان میں ڈاکٹر یاسمین راشد ،خدیجہ شاہ ، صنم جاوید سمیت دیگر گرفتار ملزمان کو بھی قصور وار قرار  دیا گیا ہے۔ انسداد دہشت گردی کی خصوصی عدالت میں جناح ہاؤس حملہ کیس ، عسکری ٹاور حملہ ،شادمان تھانہ جلانے کے مقدمے کا چالان جمع  کرایا گیا ہے۔ جبکہ شیر پاؤ پل پر جلاؤ گھیراؤ کرنے کے مقدمے کا چالان بھی جمع کرادیا گیا ۔