پیٹرول میں فی لیٹر 26 روپے تک کا اضافہ

رات گئے وزارت خزانہ کی طرف سے نوٹی فکشن جاری ہوا جس کے بعد عوام کو اطلاع دی گئی ہے کہ اب رات 12 بجے کے بعد سے پیٹرولیم مصنوعات کی نئی قیمتیں مقرر کی جارہی ہیں۔ جس کے مطابق پیٹرول کی فی لیٹر قیمت میں 26 روپے 2 پیسے جبکہ ہائی اسپیڈ ڈیزل کی قیمت میں 17.34 روپے کا اضافہ کردیا گیا ہے۔ اب عوام کو فی لیٹر پیٹرول 331 روپے 38 پیسے جبکہ فی لیٹر ڈیزل کی قیمت 329 روپے 18 پیسے تک پہنچ گئی۔  دوسری جانب لائٹ ڈیزل اور مٹی کے تیل کی قیمتوں میں کوئی ردوبدل نہیں کیا گیا۔ نگراں حکومت جب سے آئی ہے اس نے ایک ماہ میں پٹرول 58روپے43پیسےاورہائی اسپیڈ ڈیزل 55روپے78 پیسے مہنگا کردیاہے۔