چیف جسٹس کی ” گڈ ٹو سی ” کی وضاحت پر مریم نواز کا ردعمل

مسلم لیگ نون کی چیف آرگنائزر مریم نواز نے چیف جسٹس  عمر عطا بندیال کی اس وضاحت پر کہ انہوں نے عمران خان کو عدالت میں دیکھ کر ” گڈ ٹو سی ” اس لیے کہا کیونکہ وہ ہر کسی کو ایسا کہتے ہیں۔ انہیں یہ کہنے پر تنقید کا نشانہ بنانا بلاجواز ہے۔ چیف جسٹس کا کہنا تھا کہ وہ ہر ایک کا احترام کرتے ہیں۔ ادب و اخلاق تو سب کے لیے ضروری ہے۔ انہی ریمارکس پر مریم نواز کا کہنا ہے کہ اربوں کے ڈاکے ڈالنے والے کتنے مجرموں کو آپ  "گڈ ٹو سی یو ”  کہتے ہیں؟ ہر ایک کو رجسٹرار سے فون کرا کر مرسیڈیز بھی منگوا کر رخصت کرتے ہیں؟ مریم نواز کے سوشل میڈیا بیان کے مطابق کیا  ہر ایک کو جیل سے ریسٹ ہاؤس بھی شفٹ کرتے ہیں؟ سب پر اسی طرح ریمانڈ میں ضمانتوں کی برسات کرتے ہیں؟ سب کو کہتے ہیں دس فیملی ممبرز کو بلائیں، گپیں لگائیں اور سو جائیں؟