چیف جسٹس عمر عطا بندیال کا بینچ ڈی لسٹ

چیف جسٹس سپریم کورٹ عمر عطا بندیال کا بینچ آج ڈی لسٹ کردیا گیا ہے۔ اس بینچ کے سامنے پیش ہونے والے تمام مقدمات کوبھی ڈی لسٹ کردیا گیا ہے۔ رجسٹرار سپریم کورٹ نے مقدمات ڈی لسٹ ہونے کا نوٹیفکیشن جاری کر دیا ہے لیکن  بینچ ڈی لسٹ کیوں کیا گیا اس کی وجوہات بیان نہیں کی گئی ہیں۔ چیف جسٹس کے بینچ میں جسٹس جمال مندوخیل اور جسٹس اطہر من اللّٰہ بھی شامل تھے اور اس بینچ کے روبرو آج 12 مقدمات سماعت کے لیے مقرر تھے۔ سپریم کورٹ کے بینچ نمبر 2 کے مقدمات کی فہرست بھی منسوخ کر دی گئی۔ جو جسٹس سردار طارق مسعود اور جسٹس شاہد وحید پر مشتمل بینچ تھا۔