تحریک انصاف کے سربراہ عمران خان نے آصف علی زرداری پر الزام لگایا ہے کہ وہ پلان سی پر عمل کرتے ہوئے انہیں قتل کرنا چاہتے ہیں۔ ویڈیو لنک کے ذریعے کارکنوں سے خطاب کرتے ہوئے عمران خان کا کہنا تھا کہ آصف علی زرداری نے دہشت گرد تنظیموں کو انہیں قتل کرانے کے لیے پیسے دیے ہیں۔ اس سازش میں سہولت کار طاقت ور ایجنسیز کے افراد شامل ہیں۔ عمران خان کا کہنا تھا کہ ان کے خلاف اگلی واردات ہونے والی ہےجس سے عوام کو باخبر کررہے ہیں۔ حالات چاہے کیسے بھی ہوں انتخابی مہم پر وہ ہر صورت میں نکلیں گے۔عمران خان نے دعویٰ کیا کہ انہوں نے قتل کی سازش کرنے والے چار افراد کے نام لے کر ایک ویڈیو بنائی ہے جو بیرون ملک بھیج دی گئی ہے ان 4 افراد مین ایک نام ۤآصف زرداری کا بھی ہے۔
وزیرخزانہ اسحاق ڈار پر تنقید کرتے ہوئے وہ بولے کہ 9 ماہ میں کئی چہرے بے نقاب ہوچکے ہیں۔ اسحاق ڈار اور شہبازشریف کیا تھے قوم کو معلوم ہوگیا، اسحاق ڈار پاکستانی معیشت کو وہاں لے گئے جہاں قومی سلامتی کو خطرہ ہے۔ ماہرین پاکستانی معیشت کی خوفناک عکاسی پیش کررہے ہیں۔
Discussion about this post