راولپنڈی ٹیسٹ : انگلینڈ کی پہلے بیٹنگ

خدشات اور افواہیں اس وقت دم توڑ گئیں جب انگلش کپتان بین اسٹوکس اور بابراعظم نے ٹاس کیا۔ مہمان ٹیم نے ٹاس جیت کر پہلے بیٹنگ کا فیصلہ کیا۔ بین اسٹوکس کا کہنا تھا کہ میچ کے لیے خاصے پرجوش ہیں اور پاکستان کے خلاف بہترین کھیل کا مظاہرہ کریں گے۔ پاکستانی کپتان بابراعظم نے پچ کو اچھی قرار دیتے ہوئے بتایا کہ  محمد علی، زاہد محمود، حارث رؤف اور سعود شکیل کو ٹیسٹ کیپ دی جارہی ہے۔ انگلینڈ کی جانب سے ول جیکس اور لیام لیونگسٹن ٹیسٹ ڈیبیو کر رہے ہیں۔ ٹاس سے قبل دونوں ٹیموں کے کپتانوں نے ٹرافی رونمائی تقریب میں بھی حصہ لیا۔