لانگ مارچ کا کوئی قومی مقصد نہیں

سابق وزیراعظم نواز شریف کی صاحبزادی اور مسلم لیگ (ن) کی نائب صدر مریم نواز نے لندن میں پریس کانفرنس کرتے ہوئے عمران خان کی لانگ مارچ پر کڑی تنقید کی۔ ان کا کہنا تھا کہ کروڑوں روپے لانگ مارچ پر پھونکے جارہے ہیں، جس کا کوئی قومی مقصد نہیں صرف ہدف یہ ہے کہ آرمی چیف کی تقرری میں رخنہ ڈالنا لیکن عمران خان کا یہ پلان ناکام ہوگا۔ تقرری شہباز شریف آئین اور قانون کے مطابق کریں گے۔ عمران خان کے لیے لانگ مارچ آخری پلان ہے۔ قوم کے بیٹے کیوں لانگ مارچ میں شرکت کریں؟ عمران خان  کے اپنے بیٹے لندن میں بیٹھے ہیں، عمران خان کا پارٹ ٹائم لانگ مارچ 2 گھنٹے میں ختم ہو جاتا ہے، 5 دن سے یہ لانگ مارچ لاہور میں پھنسا ہوا ہے۔