پاک برطانیہ میچ کے تمام ٹکٹس فروخت

پاکستان اور انگلینڈ کی کرکٹ ٹیم اگلی اتوار کو ایک دوسرے کے مدمقابل ہوں گی اور کرکٹ بورڈ کے مطابق اس میچ کی تمام تر ٹکٹس فروخت ہوچکی ہیں۔ یہی نہیں  ابتدائی 4 میچز کے وی آئی پی انکلوژر کے ٹکٹس بھی ہاتھوں ہاتھ فروخت ہوچکے ہیں۔ یاد رہے کہ ابتدائی 4 ٹی ٹوئنٹی میچز کراچی میں ہونے جارہے ہیں۔ اتوار کے علاوہ منگل، جمعرات اور جمعہ کو ہونے والے میچز کے بھی 1500 روپے مالیت کے وی آئی پی انکلوژر کے ٹکٹس فروخت ہوچکے ہیں۔ 250 روپے والے جنرل انکلوژر کے ٹکٹس 70فیصد فروخت ہوچکے ہیں، 500 روپے والے فرسٹ کلاس اور 750 روپے والے پریمیم انکلوژر کے ٹکٹس تاحال فروخت کے لیےموجود ہیں۔