سجل اور بلال ایک بار پھر ایک ساتھ

بلال عباس خان ۔ نوجوان نسل کے فیورٹ تو دوسری جانب سجل علی، جس پروجیکٹ میں یہ دونوں شامل ہوں اس کی کامیابی کی گارنٹی تو ہر کوئی وقت سے دے دیتا ہے۔ کچھ دن پہلے  بلال عباس خان نے ایک انسٹاگرام اسٹوری شیئر کی۔ جس میں انہوں نے اپنے آنے والے نئے پراجیکٹ کشف کا ذکر کیا، چاہنے والے تو یہ جان کر خوشی سے پھولے نہیں سمائے کہ اس پروجیکٹ میں بلال عباس خان کی لو انٹرسٹ کوئی اور نہیں سجل علی ہوں گی۔

یعنی مداحوں کا دل دھڑکانے بلال عباس کا ساتھ دینے آرہی ہیں اداکارہ سجل علی، ستاروں کی اس جوڑی کو شوبز انڈسٹری کی ہر دلعزیز جوڑی سمجھی جاتی ہے دونوں کو آخری بار فلم کھیل کھیل میں دکھا گیا  وہاں ان کی آن اسکرین رومانس مداحوں کو زیادہ متاثر نہ کرسکیں۔ لیکن چاہنے والے اس بار پر امید ہے کہ ڈراما رنگ ریزہ کی طرح اس بار بھی دونوں ستاروں کی کیمسٹری رنگ جمائے گی۔

آنے والے پراجیکٹ کی ایک خاص بات یہ بھی ہے کہ اس ڈرامے کو ہدایتکار ندیم بیگ کریں گے، جن کا شمار ملک کے نامور ڈائریکٹرز میں ہوتا ہے۔ جن کا  ڈراما صنف آہن، میرے پاس تم ہو، فلم لندن نہیں جاؤنگا، ہر ڈراما ہر فلم بلاک باسٹر رہے ہیں۔ بات کرتے ہیں رائٹر کی تو ایک بار پھر جانے مانا نام محمد احمد اس پراجیکٹ رائٹر ہے۔ اسی طرح میرا سیٹھی کا نام بھی اس پراجیکٹ سے جوڑا جارہا ہے جو پہلے سے ہی رمضان سیریز میں شاندار کردار ادا کرکے مداحوں کے دل میں اپنی جگہ بنا چکی ہیں۔

کشف فی الحال ایک پراجیکٹ کا نام ہے، ڈرامے کا نام ابھی تک کنفرم نہیں، البتہ پراجیکٹ کی ٹیم دم دار ہے، مداح سلور اسکرین پر بلال عباس اور سجل علی کو دیکھنے کے لیے بے قرار ہے۔