تحریک انصاف کے رہنما فوادچوہدری نے پریس کانفرنس کرتے ہوئے اس جانب اشارہ کیا ہے کہ 23 جولائی کو پنجاب میں رانا ثنا اور عطا تارڈ کے داخلے پر بندش لگا سکتے ہیں۔ فواد چوہدری کا کہنا تھا کہ وہ جمعے کو پنجاب میں پرویز الہیٰ وزیراعلیٰ بن جائیں گے۔ انہوں نے دعویٰ کیا کہ نون لیگ کے 5 سے زیادہ رکن اسمبلی رابطے میں ہیں۔ جب چاہیں شہباز شریف کی حکومت ختم کرسکتے ہیں۔ حکومت سے صرف اسی صورت بات ہوگی جب وہ الیکشن کی تاریخ کا اعلان کریں۔ فواد چوہدری نے بھی چیف الیکشن کمشنر کے استعفیٰ کا مطالبہ کیا۔ ان کا کہنا تھا کہ سب سے بڑی سیاسی جماعت چیف الیکشن کمشنر پر عدم اعتماد کر رہی ہے۔ بہتر تو یہ ہے کہ چیف الیکشن کمشنر خود مستعفی ہوجائیں۔
Discussion about this post