کھلاڑیوں کے لیے سینٹرل کنٹریکٹ کا اعلان

ریڈ اور وائٹ بال کٹیگریز میں مجموعی طور پر 33 کھلاڑی شامل ہیں۔ گزشتہ سیزن میں پی سی بی نے 20 کھلاڑیوں کو سینٹرل کنٹریکٹ دیا گیا تھا ۔  کپتان بابراعظم  سمیت 5 کھلاڑیوں کو ریڈ اور وائٹ بال دونوں فارمیٹ کے کنٹریکٹ مل گئے۔ ان کھلاڑیوں میں شاہین شاہ آفریدی، محمد رضوان، امام الحق اور حسن علی شامل ہیں۔  ان کے علاوہ 10 کھلاڑیوں کو صرف ریڈ بال کا کنٹریکٹ دیا گیا ہے ان میں اظہر علیکو اے کٹیگری جبکہ فواد عالم کو بی کٹیگری میں رکھا گیا ہے۔

عبداللہ شفیق، نعمان علی اور نسیم شاہ کو ریڈ بال کی سی جبکہ سرفراز احمد ، شان مسعود ، یاسر شاہ ، عابد علی اور سعود شکیل کو ڈی کٹیگری شامل کیا گیا ہے۔  جبکہ 11 کو وائٹ بال کو کنٹریکٹ ملا ہے ۔ ان کھلاڑیوں میں فخر زمان اور شاداب خان اے کٹیگری میں جبکہ حارث رؤف کو بی اور محمد نواز کو سی میں رکھا گیا ہے ۔ اسی طرح دھانی ، عثمان قادر ، حیدر علی ، آصف علی ، خوش دل شاہ، زاہد محمود اور محمد وسیم کو ڈی کٹیگری میں شامل کیا گیا ہے ۔ ڈومیسٹک کرکٹ میں عمدہ کارکردگی کا مظاہرہ کرنے والے 7 کھلاڑی علی عثمان، حسیب اللہ، کامران غلام ، قاسم اکرم ، محمد حارث ، محمد حریرہ اور سلمان علی  ایمرجنگ کٹیگری کا حصہ بن گئے ۔