مس مارول: پاکستانی اداکاروں کے بعد پاکستانی گانا بھی شامل

مارول سنیمیٹک اسٹوڈیوز اور ڈزنی پلس کی پہلی مسلم سپر ہیرو سیریز’’مس مارول‘‘میں جہاں پاکستانی اداکار اپنے جلوے بکھیرے گے وہی اس سیریز میں پاکستانی گلوکاروں کی آوازوں بھی سحر رہے گا، اطلاعات ہیں کہ جلد ہی ریلیز ہونے والی ویب سیریز ’مس مارول‘ میں کوک اسٹوڈیو سیزن 14 کا گانا ’پیچھے ہٹ‘ دیے جانے کا امکان ہے۔ بی بی سی کے صحافی ہارون رشید نے اپنے ٹوئٹ میں انکشاف کیا ہے کہ پاکستانی سپر ہیرو کردار کمالہ خان پر بنائی گئی ویب سیریز’ مس مارول‘ میں نہ صرف بالی ووڈ فلموں کے مقبول ترین ڈائیلاگز کا تڑکا ہوگا بلکہ ناظرین اس سیریز میں کوک اسٹوڈیو کے گانے ”پیچھے ہٹ” میں بھی تھرکتے نظر آئیں گے۔

LOVED the first 2 eps of Ms Marvel. This is the South Asian rep I want to see. Sugar-coated saunf, dialogue about @iamsrk’s best film, a soundtrack including @hasanraheeem’s Peechay Hutt. Kamala Khan is unapologetically brown and I LOVE IT. pic.twitter.com/O2CKjgUPvR

— Haroon Rashid (@iHaroonRashid) May 25, 2022

ہارون رشید کے مطابق انہوں نے مس ماروول کی اب تک 2 قسطیں دیکھی ہیں جس میں جنوبی ایشیا کا رنگ دیکھ کر مزہ آگیا ہے۔ کوک اسٹوڈیو سیزن 14 کا گانا ’پیچھے ہٹ‘ کو کینیڈین گلوکار جسٹن بیبر کی نقل کرنے والی بہنوں جسٹن بیبز کی وجہ سے کافی پذیرائی ملی تھی، جس میں حسن رحیم، طلال قریشی اور جسٹن بیبز نے اپنی آوازوں کا جادو جگایا تھا۔

فلم  کے ٹریلر میں پاکستانی اداکارہ نمرہ بچہ کی بھی جھلک ہے جبکہ مس مارول کے لیے اداکار فواد خان اور مہوش حیات نے بھی اپنے کردار کی تصدیق کی تھی تاہم ٹریلر میں انہیں کہیں نہیں دکھایا گیا۔  ‘مس مارول’ کو امریکا سمیت دنیا بھر میں آئندہ ماہ 8 جون کو ڈزنی پلس پر ریلیز کیا جائے گا تاہم پاکستان میں مذکورہ اسٹریمنگ ویب سائٹ نہ ہونے کی وجہ سے اسے سینماؤں میں دکھایا جائے گا۔