مدینے میں جو ہوا، وہ اعمال کا نتیجہ ہے، عمران خان

سابق وزیراعظم عمران خان نے مسجد نبوی ﷺ میں حکومتی وفد کے خلاف نعرے بازی پر تبصرہ کرتے ہوئے کہا ہے کہ جو کچھ ہوا،یہ اِن کے اعمال کا نتیجہ ہے۔ انہوں نے ایک بار پھر حکومتی اتحاد پر الزام لگایا کہ انہوں نے بیرونی سازش کا حصہ بن کر پی ٹی آئی حکومت کو گرایا۔ عمران خان کے مطابق کوئی سوچ بھی نہیں سکتاکہ اس مقدس مقام پرعوام کو آوازیں کسنے کی ہدایت دوں۔ یہ عوام کا ردعمل ہے۔ مدینے میں جب یہ واقعہ ہوا تو تحریک انصاف کے کارکن شب دعا منارہے تھے۔