کراچی میں سورج کا مزاج مزید گرم

محکمہ موسمیات نے شہرقائد کے باسیوں کو خبردار کرتے ہوئے بتایا کہ شہر میں گزشتہ روز کے مقابلے آج کا دن مزید گرم رہنے کا امکان ہے۔ آج زیادہ سے زیادہ پارہ 42 ڈگری سینٹی گریڈ تک جاسکتا ہے جبکہ کل سے درجہ حرارت میں کچھ کمی کا امکان ہے۔ محکمہ موسمیات کے مطابق شہر میں اگلے چند روز تک درجہ حرارت 38 سے 39 ڈگری سینٹی گریڈ تک رہ سکتا ہے جبکہ کراچی میں 14 اپریل سے ایک بار پھر سورج آگ برسائے گا۔  شہر میں موسم گرم رہنے کی وجہ بتاتے ہوئے میٹرولوجسٹ سردار سرفراز کا کہنا تھا کہ اس وقت بلوچستان کی شمال مغربی سمت کی ہوائیں چل رہی ہیں، موجودہ گرمی اور ہواؤں کی سمت تبدیلی ہائی پریشر کی وجہ سے ہے۔