بابراعظم کی ٹی ٹوئنٹی اور ون ڈے رینکنگ میں حکمرانی برقرار

انٹرنیشنل کرکٹ کونسل نے ٹیسٹ، ون ڈے اور ٹی ٹوئنٹی فارمیٹس میں پلیئر کی نئی رینکنگ جاری کردی ہے۔ جس میں ون ڈے اور ٹی ٹوئنٹی رینکنگ میں قومی ٹیم کے کپتان بابر اعظم بدستور پہلی پوزیشن پر برقرار ہے۔

آئی سی سی کی جانب سے تازہ ترین درجہ بندی کے مطابق ایک روزہ میچ فارمیٹس میں دوسرے نمبر پر بھارتی سابق کپتان ویرات کوہلی جبکہ دوسرے نمبر پر روہت شرما ہے۔

ٹی ٹوئنٹی فارمیٹ میں محمد رضوان کی دوسری پوزیشن برقرار رہی۔ آل راؤنڈر کیٹیگری میں عماد وسیم کی پوزیشن دسویں ہے، ٹی ٹوئنٹی بالرز رینکنگ میں شاداب خان کا دسواں نمبر ہے۔

ٹیسٹ بالنگ رینکنگ میں شاہین شاہ آفریدی کی چوتھی پوزیشن برقرار رہی جبکہ او ڈی آئی بالنگ رینکنگ میں کوئی پاکستانی شامل نہیں ہے۔