سوشل میڈیا پر ان دنوں کسی کا جلوہ ہے تو آسکر ایوارڈ یافتہ اداکارہ لوپیتا نیانگو کا، جن کے بارے میں کہا جارہا ہے کہ وہ اس وقت ملک کے سب سے بڑے شہر کراچی میں ہیں اور اپنے دیسی ایوتار سے سب کا دل جیت رہی ہیں۔ پاکستانی ڈانسر، گلوکار و اداکار صادق داس نے لوپیتا نانیاگو کے ساتھ اپنی کچھ تصاویریں شیئر کی اور انکشاف کیا کہ اس سے پہلے کہ آپ سب سونے کے لیے اپنے بستر کا رخ کریں، آپ کو بتادوں کہ لوپیتا نیونگ کراچی میں ہیں‘۔ اُنہوں نے بتایا کہ’آرٹسٹ میشا جاپانوالا آج شادی کے بندھن میں بندھ گئی ہیں اور لوپیتا نے ساحل سمندر پر اس شادی کی تقریب میں ڈانس بھی کیا‘۔ اُنہوں نے مزید لکھا کہ’ امید کرتا ہوں کے ساحلِ سمندر صاف تھا۔
View this post on Instagram
کراچی آمد پر لوپیتا نیانگو نے بظاہر خود تو کوئی وضاحت نہیں دی تاہم سوشل میڈیا پر ان کے دیسی آؤٹ فٹ کے کافی چرچے ہورہے ہیں، انہوں نے خوبصورت کھلتے گلابی رنگ کا لہنگا چولی زیب تن کیا ہوا تھا جس سے وہ مکمل طور پر پاکستانی مشرقی لباس کے رنگ میں رنگی ہوئی نظر آئیں۔
سوشل میڈیا پر گردش کرتی ویڈیوز میں انہیں شادی بیاہ کے گانے پر بھی تھرکتے ہوئے دیکھا جاسکتا ہے۔
لوپیتا نیانگو نے 2014 میں بہترین معاون اداکارہ کا ’آسکر‘ ایوارڈ جیتا تھا، انہوں نے ’ 12 ایئرز آف سلیو، جنگل بک، اسٹار وارز، لٹل مانسٹرز اور بلیک پینتھر‘ جیسی فلموں میں شاندار اداکاری دکھائی ہے۔ لوپیتا نیانگو نے ’آسکر‘ کے علاوہ بھی دیگر متعدد فلمی ایوارڈز اپنے نام کر رکھے ہیں اور وہ جلد ہی ’بلیک پینتھر‘ کے سیکوئل میں بھی دکھائی دیں گی۔
Discussion about this post