بھارتی ریاست کیرالا سے تعلق رکھنے والے مامیکا نے تصور بھی نہیں کیا تھا کہ ایک دن وہ ماڈل بن جائے گا۔ اُس کی قسمت میں تو صرف یومیہ اجرت کرنا تھا،جس کے ذریعے وہ اپنے پیٹ کی آگ بجھاتا۔ 60 برس کے مامیکا کو یہ نیا روپ دینے والے فوٹوگرافرشیئریک ہیں۔ جنہوں نے اس دیہاڑی لگانے والے مزدور کی عام سے لباس میں پہلے تصویر اتاری اور اِسے فیس بک پر اپ لوڈ کردی۔ یہ تصویرخوب وائرل ہوئی۔
اس کی وجہ یہ بھی ہے کہ مامیکا جنوبی بھارت کے اداکار ونائےکان سے مشابہت رکھتے ہیں۔ تصویر کے وائرل ہونے کے بعد شادی بیاہ کے ملبوسات بنانے والی کمپنی نے فوٹوگرافر کو یہ ٹاسک دیا کہ وہ مامیکا سے ماڈلنگ کرائیں۔ جبھی مہنگا سوٹ بوٹ پہن کر مامیکا نے باقاعدہ ماڈلنگ کی۔ جسے ہر ایک نے پسند کیا۔
انسٹا گرام پر مامیکا کا یہ نیا روپ ہزاروں افراد دیکھ چکے ہیں اور حیران ہیں کہ کس طرح مامیکا کا میک اوور کیا گیا۔ جو قیمتی ملبوسات میں کسی راجا سے کم نہیں لگ رہے۔
Discussion about this post