کراچی سے ایک اور لڑکی لاپتا

سعود آباد سے 4 دن سے ایک لڑکی نمرہ کاظمی کے لاپتا ہونے کی اطلاعات ہیں۔ نمرہ کاظمی نامی یہ لڑکی میٹرک کی طالبہ بتائی جاتی ہے۔ والدہ کا کہنا ہے کہ وہ صبح 9 بجے کام سے گئی تھیں۔جب گھر لوٹیں تو بیٹی نمرہ غائب تھیں۔ ہر جگہ تلاش کی لیکن کوئی اتا پتا نہیں ملا۔

والدہ کا کہنا ہے کہ نمرہ کا فون بھی بند آرہا ہے۔ والدہ نے وزیراعلیٰ، آئی جی پولیس اور دیگر حکام سے بیٹی کی بازیابی کی اپیل کردی ہے۔ پولیس نے نمرہ کی گم شدگی کا مقدمہ سعود آباد تھانے میں درج کرلیا ہے۔ یاد رہے کہ دعا زہرہ کے بعد کراچی سے دوسری لڑکی ۔۔ غائب ہوئی ہے۔