پاکستان کے کامیاب ترین کامیڈی ڈراموں کی بات کی جائے تو نجی ٹی وی سے نشر ہونے والا ڈراما ‘نادانیاں’ شاید ہی سرفہرست ہوگا۔ جس کی 100 اقساط میں سے ہر قسط نے مقبولیت کے کئی ریکارڈز قائم کیے۔ نادانیاں کی مقبولیت کا اندازہ اس بات سے بھی لگایا جاسکتا ہے کہ ڈرامے کی ریپیٹ ٹیلی کاسٹ آج بھی پرستاروں میں اتنی ہی مقبول ہے جتنی پہلے ہوتی تھی لیکن کیا آپ ندا یاسر، دانش نواز اور یاسر نواز کے اس کامیاب کامیڈی ڈرامے کو ٹی وی اسکرینز پر دوبارہ دیکھنے کے خواہش مند ہیں تو ندا یاسر نے اس بات کا اشارہ دے دیا ہے۔
View this post on Instagram
انسٹاگرام پر انہوں نے ایک ویڈیو شیئر کی جس میں ندانیاں ڈرامے کے انداز میں ہی تینوں لڑتے جھگڑتے نظر آرہے ہیں لیکن وہ ایسا کیوں کررہے ہیں؟ اس راز پر سے وہ تینوں 30 جنوری کو پردہ اٹھائیں گے تاہم پرستاروں میں نادانیاں سیزن 2 سے متعلق چہ مگوئیاں آغاز ہوچکا ہے۔ ندایاسر اور یاسر نواز کی جانب سے ڈرامے کے سیکوئل سے متعلق کوئی بیان سامنے نہیں آیا تاہم مداح پرجوش ہیں کہ یہ تین کی جوڑی ایک بار پھر سلور اسکرینز پر مسکراہٹ بکھیرنے کے لیے تیار ہیں وہیں کچھ مداح نادانیاں کے مقبول ترین کردار چچا کمال کو بھی یاد کررہے ہیں، ان کا ماننا ہے کہ ڈرامے میں ان کی کمی ضرور ستائے گی۔
مزاح سے بھر پور ڈراما ‘نادانیاں’ میں یاسر نواز، دانش نواز، ندا یاسر اور اداکار مرزا شاہی نے مرکزی کردار ادا کیے تھے۔ نادانیاں کی کہانی میاں بیوی اور ان کے بھائی گرد گھومتی ہے جو ایک ساتھ ایک فلیٹ میں رہتے ہیں اور مہمانوں کے آنے پر کسی نا کسی مشکل میں پھنس جاتے ہیں۔
ڈرامے کی خصوصیت یہ رہی کہ یاسر نواز، ندا یاسر اور دانش نواز نے اپنی اصلی زندگی کے ہی کردار نبھائیں جبکہ ڈرامے کی شوٹنگ بھی انہیں کے فلیٹ میں ہوئی۔ ڈرامے کی کہانی علی رضا نے تحریر کی جبکہ اس کی ہدایات خود یاسر نواز نے دی تھیں اور ندا یاسر نے اس ڈرامے کی پروڈکشن کی تھی۔
Discussion about this post