پی ایس ایل 7 کے آفیشل سونگ کی ریکارڈنگ لیک کا معاملہ

پاکستان سپر لیگ 7 کا آفیشل سونگ جو اس ہفتے جاری کیا جارہا ہے۔ اب اس کی ریکارڈنگ سوشل میڈیا پر لیک ہوچکی ہے۔ جس میں واضح طور پر عاطف اسلم اور آئمہ بیگ کو دیکھا جاسکتاہے۔ ذرائع ابلاغ کے رپورٹ کے مطابق ویڈیو گیت قذافی اسٹیڈیم میں عکس بند کیا گیا تھا۔ پی ایس ایل انتظامیہ نے فیصلہ کرلیا ہے کہ وہ اس بات کی کھوج لگائے گی کہ ریکارڈنگ کس طرح سوشل میڈیا تک پہنچی۔ گلوکار عاطف اسلم اور آئمہ بیگ نے یہ گیت ” ہاتھ ہوا میں اٹھا لے دلوں کا حوصلہ بڑھا لے” گایا ہے۔ جبکہ ریکارڈنگ کی ویڈیو کے لیک ہونے کے متعلق کہا جارہا ہے کہ جو کمپنی اس کی عکس بندی کررہی تھی، اُسی کے کسی رکن نے یہ ویڈیو سوشل میڈیا پر جاری کیں۔ جس پر پاکستان کرکٹ بورڈ نے تحقیقات کا آغاز کردیاہے۔

PSL Anthem 🔥#AtifAslam #HBLPSL7 #LevelHai pic.twitter.com/2T1qNNAWxR

— Mazid✨ (@mazidhussain_) January 19, 2022