پاسداران انقلاب کا 160 امریکیوں کی ہلاکت کا دعویٰ

مشرق وسطیٰ کی آسمانوں میں ایک بار پھر دھواں اٹھ رہا ہے، جہاں تاریخ کی سب سے شدید آگ بھڑک اٹھی ہے۔ امریکا اور اسرائیل کے ایران پر تباہ کن حملوں کے جواب میں تہران نے بحرین میں امریکی بحریہ کے ہیڈکوارٹر اور فوجی اڈوں پر ایسے جوابی وار کیے کہ 160امریکی جانوں کا دعویٰ کر دیا گیا، اور پورا خطہ لرز اٹھا۔ ایران اب بھی اسرائیل سمیت عرب ممالک میں موجود امریکی اڈوں اور سفارت خانوں پر مسلسل حملے کر رہا ہے۔ ایرانی میڈیا کی رپورٹس کے مطابق چار دنوں سے جاری اس وحشت میں 787شہری شہید ہو چکے ہیں، سیکڑوں زخمیوں کی چیخیں آسمان کو چیر رہی ہیں، اور یہ دل دہلا دینے والے اعداد و شمار ایرانی ریڈ کریسنٹ سوسائٹی نے خود پیش کیے ہیں۔ ایک امریکی انسانی حقوق تنظیم نے اس خونریزی کی مزید تلخ تصویر کھینچی ہے، کہ ان حملوں میں 742 بے گناہ شہری جان سے گئے جن میں 180 معصوم بچے بھی شامل ہیں، جن کی آنکھیں اب کبھی نہیں کھلیں گی۔