وزیراعظم کا عمران خان کی ایبٹ آباد میں تقریر پر قانونی کارروائی کا فیصلہ

وزیراعظم شہباز شریف نے عمران خان کے ایبٹ آباد میں جلسے کے خطاب کو پاکستان کے خلاف سازش قرار دیا ہے۔ اُن کے مطابق قومی اداروں کے خلاف سازشی بیانیہ گھڑنے والا اصل میں میر جعفر اور میر صادق ہے۔ ایبٹ آباد میں ریاست پاکستان، آئین اور قومی اداروں کو چیلنج کیاگیا، قانونی کارروائی کریں گے۔ بیان کے مطابق پاکستانی بائیس کروڑ عوام، آئین اور قومی ادارے ایک شخص کے غلام نہیں۔ عمران نیازی عوام کو اپنا غلام بنانا چاہتا ہیں، انہیں پاکستان کا ہٹلر نہیں بننے دیں گے عمران نیازی نے بہت جھوٹ بول لیا، اب انہیں سچائی کا سامنا کرنا ہوگا۔ عمران نیازی آج کے دور کےمیر جعفر اور میر صادق ہیں۔جو پاکستان کو لیبیا اور عراق بنانا چاہتے ہیں۔ میرصادق کے ساتھ بھی صادق لگا ہوا تھا، جس طرح عمران نیازی کو سرکاری صداقت کا سرٹیفکیٹ ملا تھا ۔عمران نیازی اسی تھالی میں چھید کررہے ہیں۔ جس میں اُنہوں نے کھایا۔