ڈزنی کی نئی سپر ہیرو سیریز ‘مس مارول’ میں خوبرو اداکارہ مہوش حیات کی انٹری، اداکارہ کی پہلی جھلک نے مداحوں کے دل جیت لیے، سوشل میڈیا پر بھی اداکارہ مہوش حیات کے چرچوں کا آغاز ہوگیا۔ ڈزنی پلس پر 22 جون کو نشر کی جانے والی اس سیریز کی تیسری قسط میں اداکار مہوش حیات عائشہ کا کردار نبھاتے ہوئے دکھائی دی جو سیریز میں فلیش بیک میں سپر ہیرو کمالہ خان کی دادی کا کردار ہے جبکہ حال ہی میں یہی کردار ورسٹائل اداکارہ ثمینہ احمد نبھارہی ہیں، سیریز میں مہوش حیات کا کردار مختصر مگر اہم ہے۔
View this post on Instagram
ان کے ساتھ نمرہ بچہ بھی مس مارول سیریز کا حصہ ہیں جہاں وہ نجمہ کا کردار نبھاتی نظر آرہی ہیں جبکہ معروف اداکار فواد خان کے کردار کی بھی تفصیلات سامنے آئی ہیں تاہم سیریز کے ٹریلر سمیت اب تک کی اقساط میں فواد خان کا کردار سامنے نہیں آیا، جن کی پہلی جھلک کے لیے مداح بے تاب اور بے چین دکھائی دے رہے ہیں۔
مس مارول کو امریکا سمیت دنیا بھر میں 8 جون کو ڈزنی پلس پرریلیز کیاگیا تاہم پاکستان میں مذکورہ اسٹریمنگ ویب سائٹ نہ ہونے کی وجہ سے اسے سینماگھروں میں دکھایا جائے گا۔ سیریز میں پاکستانی کینیڈین ایمان ویلانی فرنچائز کی پہلی پاکستانی اور مسلم سپر ہیرو کا کردار نبھا رہی ہیں۔
6 اقساط پر مشتمل مارول اسٹوڈیوز کی اس ٹی وی سیریزکی ہدایات شرمین عبید چنائےکےعلاوہ مزید تین نامور ہدایت کارعدیل العربی، بلال فلاح اوربھارتی نژاد امریکی خاتون میرامینن نے دی ہیں۔
Discussion about this post