سوشل میڈیا پر ایک ویڈیو گردش میں ہے، جس میں موٹر سائیکل سوار نوجوان راہ چلتی خاتون کو ہراساں کرتے ہوئے دیکھا جاسکتا ہے۔ اس نوجوان نے خاتون کا بار بار راستہ روکا، آوازیں کسیں اور خاتون کو تواتر کے ساتھ ہراساں کیا۔خاتون ڈری سہمی اپنی راہ پر رہی۔ جسے یہ نامعلوم موٹر سائیکل سوار مسلسل ہراساں ہی کرتا رہا۔سوشل میڈیا پر ویڈیو گردش ہونے کے بعدتھانہ ہربنس پورہ تھانے میں نامعلوم نوجوان کے خلاف مقدمہ درج کرلیا اور اس کی تلاش شروع کردی گئی ہے۔
پولیس کا کہنا ہے کہ یہ واقعہ علاقے کی حدود ڈیری روڈ سلامت پورہ کی ہے اور امید ہے کہ وہ بہت جلد خاتون کر ہراساں کرنے والے اس نوجوان کو گرفت میں لے لیں گے۔ حالیہ دنوں میں لاہور میں خواتین کے ساتھ ہراسیگی کے واقعات میں غیر معمولی اضافہ ہوا ہے۔ 14اگست کو ٹک ٹاکر اسٹارعائشہ اکرم کے ساتھ دست درازی کا واقعہ پیش آیا تھا۔اسی طرح آٹو رکشہ میں بھی خواتین کو ہراساں کرنے کی ویڈیو بھی سامنے آئی تھی۔
Discussion about this post