یوکرین میں جہاں عوام اور سیاسی رہنماء روسی فوج سے لڑنے کے لیے تگ و دو کررہے ہیں وہیں شوبز شخصیات کی بھی بڑی تعداد ملک کی دفاع کرنے کے لیے میدان میں آرہی ہیں۔ انہیں میں ایک 2015 میں مس یوکرین کا ایوارڈ جیتنے والی حسینہ انستا سیا لینا بھی ہیں جھنوں نے اپنے ملک کے دفاع کا عزم کرتے ہوئے اسلحہ اٹھا لیا ہے۔
View this post on Instagram
سابق ملکہ حسن نے انسٹاگرام پر اپنی تصاویر بھی شیئر کیں جن میں کیف میں جنگ سے متاثرہ علاقے میں جدید اسلحے کے ساتھ پوزیشن لیے کھڑی ہیں۔ سابق مس یوکرین کی تصویر پر چاہنے والوں نے کمنٹس کیے اور یوکرین کا دفاع کرنے کا اعلان کیا جبکہ متعدد صارفین نے روسی فوج پر سخت تنقید کرتے ہوئے فوری جنگ بندی کا بھی مطالبہ کیا ہے۔
View this post on Instagram
یاد رہے کہ روسی صدر ولادی میر پیوٹن کے حکم پر یوکرین میں پانچ روز سے گھمسان کی جنگ جاری ہے جس کے بعد یوکرینی صدر نے شہریوں کے ملک چھوڑنے پر پابندی عائد کرتے ہوئے اپنے گھروں میں رہنے کی ہدایت کی اور ملکی دفاع میں اپنا حصہ ڈالنے والوں کو حکومت کی جانب سے اسلحہ فراہم کرنے کا بھی اعلان کیا جس کے بعد کئی شہروں میں شہریوں کو جنگی تربیت دینے کا سلسلہ جاری ہے۔
Discussion about this post