خیبرپختونخوا حکومت نے سوات کو دو حصوں میں تقسیم کرکے نیا ضلع بنانے کا فیصلہ کیا ہے۔ وزیراعلیٰ خیبرپختونخوا علی امین گنڈاپور کی ہدایت پر محکمہ ریونیو نے کمشنر ملاکنڈ اور ڈپٹی کمشنر سوات کو باضابطہ مراسلہ ارسال کردیا ہے۔ مراسلے میں کہا گیا ہے کہ وزیراعلیٰ نے سوات کو تقسیم کرکے ضلع بالائی سوات اور ضلع زیریں سوات تشکیل دینے کی ہدایت کی ہے۔ کمشنر ملاکنڈ اور ڈپٹی کمشنر سوات کو 3 دن کے اندر اندر رپورٹ جمع کرانے کی ہدایت کی گئی ہے۔ حکومتی فیصلے کے مطابق نیا ضلع بالائی سوات کہلائے گا جبکہ موجودہ حصہ زیریں سوات کے طور پر برقرار رہے گا۔
Discussion about this post