شاہین آفریدی کی ذومعنی پوسٹ کس کے لیے ؟

سابق کپتان شاہین شاہین شاہ آفریدی نے انسٹا گرام ویڈیو اسٹوری شئیر کی ہے جس میں پس منظر میں شیر ہے جبکہ ویڈیو پر کچھ ایسے الفاظ نظرآتے ہیں۔ جس کے مطابق مجھے کبھی ایسی پوزیشن میں مت لانا جہاں مجھے یہ دکھانا پڑے کہ میں کتنا ظالم اور بے رحم ہو سکتا ہوں! میرے صبر کا امتحان نہ لیں کیونکہ میں شاید سب سے مہربان اور پیارا شخص ہوں جس سے آپ کبھی ملے ہوں لیکن ایک بار جب میں اپنی حد تک پہنچ جاتا ہوں تو آپ مجھے وہ کام کرتے دیکھیں گے جو کسی نے سوچا بھی نہیں تھا۔ یاد رہے کہ شاہین شاہ آفریدی کو صرف ایک سیریز میں ناکامی کے بعد کپتانی سے بے دخل کردیا گیا تھا اور ان کی جگہ ایک بار پھر قیادت کا تاج بابراعظم کے سر پر سجایا گیا۔ کہا جارہا ہے کہ شاہین شاہ آفریدی کو اس بات کا غصہ ہے کہ محض ایک سیریز کی ناکامی پر ان سے کپتانی چھین لی گئی۔